🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ یہ احادیث دلیل ہیں کہ جمعہ کے دن کا غسل مشروع ہے۔ پھر غسل جمعہ واجب ہے یا مستحب اس بارے میں علماء کا اختلاف ہے۔ چنانچہ بعض صحابہ، سلف کی ایک جماعت اور اہل ظاہر غسل جمعہ کے وجوب کے قائل ہیں اور جمہور علماء اس کے استحباب کے قائل ہیں۔
➋ احادیثِ الباب جمعہ کے وجوب و فرضیت پر دلالت کرتی ہیں اور یہ ٹھوس دلائل فرضیتِ جمعہ کے موقف کو ترجیح دیتے ہیں۔
➌ جن احادیث سے غسلِ جمعہ کے وجوب کو استحباب پر محمول کیا جاتا ہے کچھ ضعیف، کچھ غیر واضح اور کچھ فرضیتِ غسل کے وجوب پر دلالت کرتی ہیں۔ لہذا کوئی ایسی واضح دلیل نہیں جو غسلِ جمعہ کے حکم کو استحباب پر محمول کرتی ہو۔
➍ فرضیتِ غسلِ جمعہ کے دلائل واضح، اصیل اور ٹھوس ہیں، جب کہ جن روایات سے استحباب کی دلیل لی جاتی ہے ان کی اسنادی حیثیت مشکوک ہے اور ان کا مفہوم غیر واضح ہے۔
صحیح ابن خزیمہ شرح از محمد فاروق رفیع 1751