🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ ان احادیث میں فرضیتِ غسلِ جمعہ کی علت کا بیان ہے کہ صحابہ کرام رضی اللہ عنہم جسمانی مشقت کرتے تھے اور اس محنت و مشقت اور مزدوری کی وجہ سے گرمیوں میں سخت پسینے کی وجہ سے ان کے بدن اور کپڑوں میں بدبو پیدا ہوتی جو دورانِ نماز اور بالخصوص جمعہ کے اجتماع میں مسجد کی فضا مکدر کر دیتی تھی۔ اس بدبو کی روک تھام کے لیے نبی اللہ صلی اللہ علیہ وسلم نے جمعہ کا غسل فرض اور جمعہ کے لیے علیحدہ لباس بنانے کی تاکید کی۔
➋ ان احادیث سے استدلال کیا جاتا ہے کہ غسلِ جمعہ مستحب ہے، واجب نہیں، کیونکہ غسلِ جمعہ کی فرضیت کا ایک خاص سبب تھا، جب اس کا ازالہ ہو چکا ہے تو غسلِ جمعہ کی فرضیت از خود معدوم ہو چکی ہے۔ یہ استدلال درست نہیں، کیونکہ شریعتِ اسلامیہ میں کئی چیزیں ایسی ہیں، جن کی فرضیت و وجوب کے کچھ خاص اسباب تھے، لیکن وہ اسباب معدوم ہونے کے باوجود ان کی فرضیت باقی رہی، نیز کوئی ایسی دلیل موجود نہیں جس میں وضاحت ہو کہ غسلِ جمعہ کی علت کے معدوم ہونے کی صورت میں رسول اللہ صلی اللہ علیہ وسلم نے فرضیتِ غسل کو کالعدم قرار دیا ہو۔
صحیح ابن خزیمہ شرح از محمد فاروق رفیع 1755