🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ شک کے دن سے مراد تیس شعبان کا دن ہے کہ جب بادل وغیرہ کی وجہ سے چاند نظر نہ آئے اور یہ اضطراب ہو کہ ممکن ہے یہ رمضان ہو یا شعبان۔ اس غیر یقینی صورت حال میں اس دن کا روزہ رکھنا حرام ہے۔ بلکہ گزشتہ احادیث کی رو سے اسے تیس شعبان ہی تسلیم کیا جائے گا۔ [تحفة الأحوذي: 3/ 247]
➋ ◈ حافظ ابن حجر رحمہ اللہ بیان کرتے ہیں:
اس حدیث سے استدلال کیا گیا ہے کہ شک کا روزہ حرام ہے، کیونکہ صحابی یہ بات اپنی رائے سے نہیں کہہ رہے ہیں۔ سو یہ حدیث مرفوع کے حکم میں ہے۔ [تحفة الأحوذي: 3/ 237]
صحیح ابن خزیمہ شرح از محمد فاروق رفیع 1914