🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ اس سے مراد رات اور سفید دھاگے سے مراد دن ہے۔ یعنی روزہ دار کے لیے طلوع فجر سے پہلے کھانا جائز و مباح ہے، اور طلوع فجر کے ساتھ سحری کا وقت ختم ہو جاتا ہے۔
➋ ◈ حافظ ابن حجر رحمہ اللہ بیان کرتے ہیں: اگر کسی شخص کو یہ گمان ہو کہ فجر طلوع نہیں ہوئی تو (اس غیر یقینی صورتحال میں کھانے پینے سے) اس کا روزہ فاسد نہیں ہوگا، کیونکہ مذکورہ آیت دلیل ہے کہ جب تک فجر واضح نہ ہو کھانا پینا مباح ہے۔ [عون المعبود: 5/227]
➌ اس آیت میں منکرین حدیث کے موقف کی تردید ہے۔ جو کہتے ہیں کہ حدیث ظنی اور نا قابلِ اعتبار ہے اور قرآن فہمی کے لیے عربی لغت سے استفادہ کافی ہے۔ جب مذکورہ صحابی رضی اللہ عنہ جو عربی دان تھے، وہ اس آیت کا مفہوم نہ سمجھ سکے تو عام عجمی لوگ صرف لغت سے ہر آیت کے مفہوم کا تعین کیسے کرسکتے ہیں؟ لہٰذا قرآن کا اصل بیان احادیث ہیں، جن کے بغیر قرآن فہمی ناممکن ہے اور عقل آیاتِ قرآنی کے مفہوم کی تعیین میں ناقص ہے۔
صحیح ابن خزیمہ شرح از محمد فاروق رفیع 1926