🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
اس حدیث سے یہ استدلال کرنا کہ حالت سفر میں روزوں کی اباحت کا حکم منسوخ ہو چکا ہے درست نہیں، کیونکہ «إنما يؤخذ بالأخر» سیدنا ابن عباس رضی اللہ عنہما کے الفاظ نہیں، بلکہ یہ کسی اور راوی کے الفاظ ہیں۔
جس سے یہ ثابت نہیں ہوتا کہ رسول اللہ صلی اللہ علیہ وسلم کا آخری عمل حالت سفر میں روزہ افطار کرنا ہی ہے۔
بالفرض یہ امر ثابت بھی ہو جائے، تب بھی سفر میں روزہ رکھنے کی اباحت منسوخ نہیں ہوتی، کیونکہ آپ صلی اللہ علیہ وسلم کا روزہ توڑنا اس بات کی دلیل نہیں کہ حالت سفر میں روزہ نہیں رکھا جا سکتا، بلکہ دیگر احادیث کا حکم باقی رہتا ہے کہ سفر میں روزہ رکھنا جائز ہے۔
صحیح ابن خزیمہ شرح از محمد فاروق رفیع 2035