الشیخ محمد فاروق رفیع حفظہ اللہ
فوائد:
➊ عاشوراء کو اللہ تعالیٰ نے موسیٰ علیہ السلام اور بنو اسرائیل کو فرعون کے مظالم سے نجات دلائی تھی، یہود بھی اس آزادی کی خوشی میں عاشوراء کا روزہ رکھتے تھے۔ ان کے اس عمل کی دیکھا دیکھی نبی صلی اللہ علیہ وسلم نے اس دن کا خود بھی روزہ رکھا اور صحابہ کرام رضی اللہ عنہم کو بھی اس روزے کا حکم دیا۔ لہذا آزادی کی خوشی میں یا یوم نجات کے طور پر رقص و سرور کی محافل منعقد کرنا، نوجوان لڑکوں اور لڑکیوں کا ڈانس کرنا اور فحاشی و عریانی پھیلانا ممنوع فعل ہے، بلکہ آزادی کی خوشی منانے کا مسنون طریقہ یہ ہے کہ اس دن روزہ رکھا جائے تاکہ اللہ تبارک و تعالیٰ کے احسان و انعام کا شکر ادا کیا جائے۔ اور منکرات وغیرہ کو ترک کر کے اللہ تعالیٰ کو راضی کیا جائے تاکہ وہ اس نعمت کو دوام بخشے۔
➋ عاشوراء کے روزے کی یہ فرضیت فرضیتِ رمضان تک باقی رہی، پھر اس فرضیت کو متروک قرار دیا گیا۔ لہذا اس دن کے روزے کی فرضیت ساقط ہو چکی ہے۔
➊ عاشوراء کو اللہ تعالیٰ نے موسیٰ علیہ السلام اور بنو اسرائیل کو فرعون کے مظالم سے نجات دلائی تھی، یہود بھی اس آزادی کی خوشی میں عاشوراء کا روزہ رکھتے تھے۔ ان کے اس عمل کی دیکھا دیکھی نبی صلی اللہ علیہ وسلم نے اس دن کا خود بھی روزہ رکھا اور صحابہ کرام رضی اللہ عنہم کو بھی اس روزے کا حکم دیا۔ لہذا آزادی کی خوشی میں یا یوم نجات کے طور پر رقص و سرور کی محافل منعقد کرنا، نوجوان لڑکوں اور لڑکیوں کا ڈانس کرنا اور فحاشی و عریانی پھیلانا ممنوع فعل ہے، بلکہ آزادی کی خوشی منانے کا مسنون طریقہ یہ ہے کہ اس دن روزہ رکھا جائے تاکہ اللہ تبارک و تعالیٰ کے احسان و انعام کا شکر ادا کیا جائے۔ اور منکرات وغیرہ کو ترک کر کے اللہ تعالیٰ کو راضی کیا جائے تاکہ وہ اس نعمت کو دوام بخشے۔
➋ عاشوراء کے روزے کی یہ فرضیت فرضیتِ رمضان تک باقی رہی، پھر اس فرضیت کو متروک قرار دیا گیا۔ لہذا اس دن کے روزے کی فرضیت ساقط ہو چکی ہے۔
صحیح ابن خزیمہ شرح از محمد فاروق رفیع 2084