🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ اسلام کی بنیادی علامات، توحید و رسالت کا اقرار، نماز کا اہتمام اور زکوٰۃ کی ادائیگی ہے۔
جو شخص ان اعمال کا پابند ہو، اسے قتل کرنا حرام ہے۔
➋ اگر توحید و رسالت کا اقرار کرنے والا نماز پڑھنے یا زکوٰۃ دینے سے انکار کر دے اور اس انکار پر مصر رہے تو وہ دائرہ اسلام سے خارج ہو جاتا ہے اور ایسے منکرین سے قتال کرنا اور انہیں جبراً ان اعمال کا پابند بنانا لازم ہے۔
➌ شرک کا انکار، توحید و رسالت کا اقرار کرنے والا اور نماز و زکوٰۃ کا پابند مسلمان ہے۔
اور کسی ایک رکن کا منکر مسلمان نہیں ہوتا۔
➍ توحید و رسالت کا اقرار اور نماز و زکوٰۃ کا پابند مسلمان ہے، اس سے لڑائی کرنا یا اسے قتل کرنا حرام ہے، لیکن ان ارکان میں تمام ارکان کا منکر یا کسی ایک رکن کا دائمی منکر دائرہ اسلام سے خارج ہو جاتا ہے اور حاکم وقت کا ان کی سرکوبی کے لیے مسلح جد و جہد کرنا اور انہیں زکوٰۃ وغیرہ کی پابندی پر مجبور کرنا لازم ہے۔
نیز سیدنا ابوبکر صدیق رضی اللہ عنہ نے انہی آیات و احادیث کو مد نظر رکھتے ہوئے مانعینِ زکوٰۃ کے خلاف مسلح کارروائی کی اور وفاتِ رسول اللہ صلی اللہ علیہ وسلم کے بعد اٹھنے والے بہت بڑے فتنے کی آگ ٹھنڈی کر دی۔
صحیح ابن خزیمہ شرح از محمد فاروق رفیع 2247