🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ ان احادیث میں چوپایوں کی زکاۃ کا بیان ہے کہ جس طرح سونا اور چاندی کی زکاۃ واجب ہے، اسی طرح مذکورہ چوپایوں کی زکاۃ واجب ہے۔
➋ پانچ سے کم اونٹوں میں کوئی زکاۃ نہیں، البتہ اپنی خوشی سے صدقہ دیا جا سکتا ہے۔ لیکن جب اونٹ پانچ کی تعداد میں موجود ہوں تو پانچ اونٹوں میں ایک بکری زکاۃ ہے، پھر پانچ سے لے کر چوبیس تک ہر پانچ اونٹ میں ایک بکری ہے۔ پھر حدیث میں مذکورہ جس عدد تک اونٹ پہنچ جائیں، اس حساب سے زکاۃ ادا کی جائے۔
➌ چالیس سے کم بکریوں میں زکاۃ لازم نہیں، البتہ مالک اپنی خوشی سے صدقہ کر سکتا ہے۔ چالیس سے لے کر ایک سو بیس بکریوں کی زکاۃ ایک بکری ہے اور ایک سو بیس سے لے کر دو سو بکریوں میں دو بکریاں زکاۃ ہے، پھر دو سو کے بعد ہر سو عدد پر ایک ایک بکری زکاۃ ہے۔
➍ جن چوپایوں میں زکاۃ واجب ہے، ان کی تعداد میں چھوٹے بڑے سب جانور شامل ہوں گے اور جب مجموعی جانوروں کی تعداد نصاب کو پہنچ جائے تو ان جانوروں میں زکاۃ واجب ہو جاتی ہے۔
صحیح ابن خزیمہ شرح از محمد فاروق رفیع 2262