🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ زکوٰۃ کی ادائیگی کے وقت مال میں حصہ داروں کا زکوٰۃ کی کمی کی خاطر مال بانٹ لینا یا اکٹھا کر لینا ناجائز ہے۔
مثلاً اگر دو آدمیوں کی چالیس چالیس بکریاں ہیں، جن میں ہر مالک کی ایک ایک بکری زکوٰۃ ہے۔
لیکن زکوٰۃ کی ادائیگی کے وقت یہ دونوں مال اکٹھا کر لیں اور اسے شراکت کا رنگ دے کر زکوٰۃ کی مد میں کمی کرا لیں کہ 80 بکریوں پر بھی ایک بکری زکوٰۃ ہے، یہ عمل ناجائز ہے۔
اگر ان کا مال علیحدہ علیحدہ تھا، تو زکوٰۃ کی ادائیگی کے وقت بھی اسے علیحدہ ہی باور کرایا جائے۔
➋ پھر مال کو متفرق کرنے کی مثال یہ ہے کہ بکریوں کے دو حصہ داروں میں سے ہر ایک کی ایک سو پانچ، ایک سو پانچ بکریاں ہیں، حالانکہ ان کا مال مشترک ہے۔
یوں ان دونوں حصہ داروں کے مال کی زکوٰۃ تین بکریاں بنتی ہیں، لیکن مال کو الگ الگ باور کرانے سے مال کی زکوٰۃ دو بکریاں بنتی ہے۔
اس نقصان سے بچنے کے لیے مشترک مال کو الگ الگ کرنا ناجائز ہے۔
علیٰ ہذا القیاس باقی اجناس میں بھی یہ صورتیں ممنوع ہیں۔
صحیح ابن خزیمہ شرح از محمد فاروق رفیع 2279