🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ اس حدیث میں عاملینِ زکوۃ کو تاکید کی گئی ہے کہ زکوۃ کے مال میں کوئی تصرف نہ کریں، بلکہ جتنا اور جیسا مال وصول کریں، بعینہ حاکم کی خدمت میں پیش کر دیں۔ زکوۃ کے مال میں عاملِ زکوۃ کا کسی قسم کا تصرف و استعمال خیانت ہے اور زکوۃ میں خیانت کرنے والا روزِ قیامت دردناک عذاب کا سزاوار ٹھہرے گا۔
➋ کتاب و سنت کی تعلیمات انسان کو خیانت اور کرپشن کے ارتکاب سے مانع ہیں۔ ورنہ غیر اسلامی قواعد و قوانین خائن اور کرپٹ لوگوں کی حوصلہ افزائی کرتے ہیں اور عوام، فقراء، مساکین اور مستحقینِ زکوۃ کا استیصال کرتے ہیں۔ لہذا ضرورت اس امر کی ہے کہ حکام و رعایا کو اسلامی تعلیمات سے آگاہ کیا جائے اور شرعی قوانین کا نفاذ کیا جائے، معاشرے سے خیانت، کرپشن اور استیصال ہمیشہ کے لیے ختم ہو جائے گا۔
صحیح ابن خزیمہ شرح از محمد فاروق رفیع 2338