🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
اس حدیث میں کفار کو دعوت دینے اور نومسلموں کے متعلق کچھ شرعی احکام بیان ہوئے ہیں۔
➊ ایسے کفار جنہیں اسلام کی دعوت نہ پہنچی ہو اور وہ مسلمانوں سے برسر پیکار نہ ہوں، انہیں بے خبری میں ان پر شب خون مارنا درست نہیں، بلکہ ان پر حملہ آور ہونے سے قبل اسلام کی دعوت پیش کی جائے۔ اگر وہ اسلام قبول کر لیں، تو ٹھیک ورنہ ان پر حملہ کرنا اور انہیں بزور بازو مطیع کرنا لازم ہے۔
➋ اگر کفار لڑائی اور قتل و غارت گری سے قبل اسلام قبول کر لیں تو انہیں اسلام کے بنیادی فرائض نماز پنجگانہ، زکاۃ وغیرہ سکھائے جائیں گے۔
➌ زکاۃ کا مال وصول کرنے کے بعد اسے اس شہر کے فقراء، قرب و جوار کے مساکین اور اس شہر اور علاقے کے دیگر مسلمان فقراء پر خرچ کرنا جائز ہے۔ اس سے یہ استدلال کرنا کہ اس علاقے کے فقراء پر ہی زکاۃ خرچ کی جائے درست نہیں، کیونکہ فقرائہم سے مقصود تمام مسلمان فقراء ہیں، اس شہر کے فقراء نہیں۔
◈ امام نووی رحمہ اللہ نے اسی موقف کو راجح قرار دیا ہے۔ ** [شرح النووی: 1/89] **
صحیح ابن خزیمہ شرح از محمد فاروق رفیع 2346