🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ اس حدیث میں ایک جنس سے دو چیزیں صدقہ کرنے کی فضیلت بیان ہوئی ہے کہ ایسا شخص با نصیب ہو گا اور روزِ قیامت اسے جنت میں داخلے کے لیے نام لے کر پکارا جائے گا، جو بڑی سعادت و خوش بختی ہے۔
➋ صدقہ و خیرات کرنا عظیم عمل ہے اور صدقہ و خیرات کی اہمیت کے پیشِ نظر اللہ تعالیٰ نے جنت میں اہل صدقہ کے لیے ایک مخصوص دروازہ مختص کیا ہے، جس میں سے کثرت سے صدقہ و خیرات کرنے والے گزریں گے۔
➌ اس حدیث میں ابو بکر صدیق کی عظمت و رفعت کا بیان ہے اور ایسے شخص کے منہ پر اس کی تعریف کرنا جائز ہے جس کے فتنہ میں مبتلا ہونے کا ڈر نہ ہو۔
صحیح ابن خزیمہ شرح از محمد فاروق رفیع 2480