🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ یہ احادیث دلیل ہیں کہ ہدی (حج کی قربانی) کو بیت الحرام کی طرف بھیجنا مستحب عمل ہے اور جو شخص خود بیت الحرام کی طرف نہ جا سکے اس کے لیے بھی ہدی بھیجنا درست ہے۔
➋ ہدی کو قلادہ پہنانا اور اس کا اشعار (ہدی کی کوہان کے دائیں جانب سے خنجر سے خون بہانا) مستحب فعل ہے۔
➌ ہدی کو قلادہ پہنانا مستحب عمل ہے اور جو شخص بیت اللہ کی طرف ہدی روانہ کرے اس عمل سے وہ محرم نہیں ہوتا اور جو چیزیں محرم پر حرام ہیں اس شخص پر وہ حرام نہیں ہوتیں، تمام علماء اسی موقف کے قائل ہیں۔ [شرح النووي: 9/70]
➍ ہدی کی کوہان کے دائیں حصے پر اشعار کرنا مسنون ہے۔
صحیح ابن خزیمہ شرح از محمد فاروق رفیع 2576