🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ جب ہدی کا جانور تھک جائے اور لاغر ہو جائے تو اسے ذبح کرنا واجب ہے اور اسے مساکین کے لیے چھوڑنا لازم ہے۔ مالک پر اور اس کے ہم سفر رفقاء پر اس سے کھانا حرام ہے، خواہ رفیق سفر اس میں حصہ دار ہو یا حصہ دار نہ ہو۔ انہیں اس سے ہدی کے جانور کے کھانے سے روکنے سے مقصود اس ذریعے کا سد باب ہے کہ کہیں یہ حیلہ سے جانور کے لاغر ہونے سے قبل ہی اسے ذبح نہ کر دیں۔
➋ ہدی کو ذبح کرکے اس کے قلادے کا جوتا خون میں ڈبو کر اس کی کوہان پر مارنا چاہیے تاکہ معلوم ہو جائے کہ یہ ہدی کا جانور ہے۔ پھر مساکین اس سے کھا سکیں لیکن ہدی بھیجنے والے، ہدی چلانے والے اور اغنیاء کا اس سے کھانا ممنوع ہے، کیونکہ ہدی مساکین کا حق ہے اور اس قافلے والوں کے سوا فقراء اس سے کھا سکتے ہیں لیکن اس قافلے میں شامل فقراء اس سے تناول نہیں کر سکتے۔ [شرح النووي: 77/9]
صحیح ابن خزیمہ شرح از محمد فاروق رفیع 2578