🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ رمل کا معنی تیز دوڑنا نہیں بلکہ چھوٹے چھوٹے قدموں سے تیز چلنا ہے اور طواف کے پہلے تین چکروں میں یہ عمل مستحب ہے۔
یہ عمل صرف عمرہ کے طواف میں اور حج کے ایک طواف میں مسنون ہے۔
پھر علماء کا اختلاف ہے کہ حج کے کس طواف میں رمل ہوگا، شافعیہ کے اس مسئلہ میں دو قول ہیں، جن میں سے راجح یہ ہے کہ دورانِ حج رمل اس طواف میں مشروع ہے جس کے بعد سعی ہو۔
اور اس کا تصور طوافِ قدوم یا طوافِ افاضہ میں ممکن ہے۔
طوافِ وداع میں اس کا تصور محال ہے کیونکہ طوافِ وداع کی شرط یہ ہے کہ اس سے قبل طوافِ افاضہ ہو چکا ہو۔
➋ علماء کا اس بات پر اتفاق ہے کہ عورتوں کے لیے رمل مشروع نہیں، جیسا کہ ان پر سعی میں تیز چلنا مشروع نہیں۔
نیز اگر کوئی شخص رمل ترک کر دے تو وہ تارکِ سنت تو ہوگا لیکن اس پر فدیہ نہیں ہے۔
شافعیہ اور مالکیہ اسی مذہب کے قائل ہیں۔ [شرح النووي: 7/9]
صحیح ابن خزیمہ شرح از محمد فاروق رفیع 2720