🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ جو شخص مزدلفہ میں رات گزارے اس کے لیے وہاں سے منیٰ کا رخ کرنا جائز نہیں اور نصف شب کے بعد مزدلفہ سے روانہ ہونے والے پر کوئی فدیہ نہیں۔ [المغني: 3/ 451]
➋ ◈ مہلب رحمہ اللہ کہتے ہیں: نبی صلی اللہ علیہ وسلم نے اپنے اہل خانہ میں سے کمزور افراد کو وقت سے پہلے اس لیے بھیجا تاکہ وہ مزدلفہ سے منیٰ کی طرف جاتے ہوئے بھیڑ سے بچ سکیں اور ازدحام کے خوف سے بچاؤ کے لیے طلوع آفتاب سے قبل جمرات کو کنکریاں مار لیں۔ جبکہ جمرات کو کنکریاں مارنے کا مستحب وقت طلوع آفتاب کے بعد ہے، کیونکہ نبی صلی اللہ علیہ وسلم نے اس وقت جمرات کو کنکریاں ماری تھیں۔ [شرح ابن بطال: 7/ 415]
➌ مزدلفہ سے کمزور افراد، عورتوں اور سامان وغیرہ کو نصف شب کے بعد منیٰ روانہ کرنا جائز ہے۔
صحیح ابن خزیمہ شرح از محمد فاروق رفیع 2872