🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ یہ احادیث شافعی، مالک، احمد اور جمہور علماء کے موقف کی دلیل ہیں کہ نابالغ بچے کا حج صحیح ہے، اس پر وہ ثواب کا مستحق ٹھہرتا ہے، لیکن یہ حج فریضۂ حج کی طرف سے کافی نہیں ہوتا بلکہ یہ حج نفل واقع ہوگا، اور یہ احادیث اس بارے میں پیش کرنا صحیح ہیں۔ اور احناف کہتے ہیں کہ بچے کو بطور مشق حج کروایا جا سکتا ہے کہ وہ بالغ ہو کر اس فریضہ کو ادا کر سکے۔ لیکن احادیثِ الباب ان کے موقف کی تردید کرتی ہیں۔ [شرح النووي: 9/ 100]
➋ نابالغ بچے کو حج کا ثواب ملتا ہے اور اسے حج کروانے والے کو بھی برابر اجر ملتا ہے۔
➌ بلوغت کے بعد دوبارہ حج کرنا فرض ہے کیونکہ بچے کے حج کی فرضیت حالتِ بلوغت میں حج ادا کرنے سے ہی ساقط ہوگی۔
صحیح ابن خزیمہ شرح از محمد فاروق رفیع 3050