الشیخ صفی الرحمن مبارکپوری رحمہ اللہ
618 لغوی تشریح : «مضطبعا» «اضطباع» سے ماخوذ ہے ۔ اپنی چادر کے درمیانی حصے کو اپنی دائیں بغل...
618 لغوی تشریح:
«مضطبعا» «اضطباع» سے ماخوذ ہے۔ اپنی چادر کے درمیانی حصے کو اپنی دائیں بغل کے نیچے کر کے اس کے دونوں کنارے (پلو) بائیں کندھے پر ڈال لینا۔ اس طرح دایاں کندھا ننگا رہتا ہے۔
فوائد و مسائل:
➊ مذکورہ روایت کو ہمارے فاضل محقق نے سنداً ضعیف قرار دیا ہے، نیز سنن ابن ماجہ کی تحقیق میں اسے سنداً ضعیف قرار دینے کے بعد لکھا ہے کہ سنن بیہقی کی روایت اس سے کفایت کرتی ہے۔ جبکہ دیگر محقیقین نے اسے صحیح، حسن اور قوی قرار دیا ہے، لہٰذا مذکورہ روایت سنداً ضعیف ہونے کے باوجود دیگر شواہد اور متابعات کی بنا پر قابل عمل اور قابل حجت ہے۔ «والله اعلم»
مزید تفصیل کے لیے دیکھیے: [الموسعة الحديثية مسند الامام احمد:473/29 و صحيح سنن ابن ماجه الباني، رقم 2409]
➋ اضطباع پہلے پہل عمرۃ القضاء میں کیا گیا کیونکہ اس وقت مشرکین کو یہ بتانا مقصود تھا کہ مسلمان جسمانی و بدنی طور پر کمزور نہیں ہیں۔ اس کے بعد حضرت ابن عباس رضی اللہ عنہما کے قول کے مطابق رمل اور اضطباع دونوں ہمیشہ کے لیے مسنون قرار پائے۔ اب اس طرح کے لباس کے علاوہ مردوں کے لیے کسی بھی طرز و ڈھنگ کا لباس جائز نہیں، البتہ یہ اضطباع صرف طواف قدوم میں مسنون ہے۔ طواف مکمل کرنے کے بعد دو رکعتیں پڑھتے وقت دونوں کندھے ڈھانک لینے چاہییں۔
➌ رمل اور اضطباع صرف مردوں کے لیے مشروع ہے عورتوں کے لیے نہیں۔
➍ احرام کے لیے ضروری نہیں کہ چادر سفید ہو، دوسرے رنگ کے کپڑے میں بھی جائز ہے۔ صرف زرد رنگ ناپسندیدہ ہے جبکہ سفید افضل اور مستحب ہے۔
راوئ حدیث: حضرت یعلی بن امیہ رضی اللہ عنہ، ان کی کنیت ابوصفوان تمیمی ہے۔ مکہ کے رہنے والے قریش کے حلیف تھے۔ مشہور و معروف صحابی رسول ہیں۔ فتح مکہ کے وقت اسلام قبول کیا۔ حنین، طائف اور تبوک کے معرکوں میں حاضر ہو کر داد شجاعت دیتے رہے۔ حضرت ابوبکر، حضرت عمر اور عثمان رضی اللہ عنہم کی جانب سے عامل مقرر کیے جاتے رہے۔ تقریباً پچاس برس کی عمر تک حیات رہے۔
«مضطبعا» «اضطباع» سے ماخوذ ہے۔ اپنی چادر کے درمیانی حصے کو اپنی دائیں بغل کے نیچے کر کے اس کے دونوں کنارے (پلو) بائیں کندھے پر ڈال لینا۔ اس طرح دایاں کندھا ننگا رہتا ہے۔
فوائد و مسائل:
➊ مذکورہ روایت کو ہمارے فاضل محقق نے سنداً ضعیف قرار دیا ہے، نیز سنن ابن ماجہ کی تحقیق میں اسے سنداً ضعیف قرار دینے کے بعد لکھا ہے کہ سنن بیہقی کی روایت اس سے کفایت کرتی ہے۔ جبکہ دیگر محقیقین نے اسے صحیح، حسن اور قوی قرار دیا ہے، لہٰذا مذکورہ روایت سنداً ضعیف ہونے کے باوجود دیگر شواہد اور متابعات کی بنا پر قابل عمل اور قابل حجت ہے۔ «والله اعلم»
مزید تفصیل کے لیے دیکھیے: [الموسعة الحديثية مسند الامام احمد:473/29 و صحيح سنن ابن ماجه الباني، رقم 2409]
➋ اضطباع پہلے پہل عمرۃ القضاء میں کیا گیا کیونکہ اس وقت مشرکین کو یہ بتانا مقصود تھا کہ مسلمان جسمانی و بدنی طور پر کمزور نہیں ہیں۔ اس کے بعد حضرت ابن عباس رضی اللہ عنہما کے قول کے مطابق رمل اور اضطباع دونوں ہمیشہ کے لیے مسنون قرار پائے۔ اب اس طرح کے لباس کے علاوہ مردوں کے لیے کسی بھی طرز و ڈھنگ کا لباس جائز نہیں، البتہ یہ اضطباع صرف طواف قدوم میں مسنون ہے۔ طواف مکمل کرنے کے بعد دو رکعتیں پڑھتے وقت دونوں کندھے ڈھانک لینے چاہییں۔
➌ رمل اور اضطباع صرف مردوں کے لیے مشروع ہے عورتوں کے لیے نہیں۔
➍ احرام کے لیے ضروری نہیں کہ چادر سفید ہو، دوسرے رنگ کے کپڑے میں بھی جائز ہے۔ صرف زرد رنگ ناپسندیدہ ہے جبکہ سفید افضل اور مستحب ہے۔
راوئ حدیث: حضرت یعلی بن امیہ رضی اللہ عنہ، ان کی کنیت ابوصفوان تمیمی ہے۔ مکہ کے رہنے والے قریش کے حلیف تھے۔ مشہور و معروف صحابی رسول ہیں۔ فتح مکہ کے وقت اسلام قبول کیا۔ حنین، طائف اور تبوک کے معرکوں میں حاضر ہو کر داد شجاعت دیتے رہے۔ حضرت ابوبکر، حضرت عمر اور عثمان رضی اللہ عنہم کی جانب سے عامل مقرر کیے جاتے رہے۔ تقریباً پچاس برس کی عمر تک حیات رہے۔
بلوغ المرام شرح از صفی الرحمن مبارکپوری 618