🏠 👥 🔍 🧩 🅰️ 📌 ↩️

الشیخ عمر فاروق سعیدی حفظہ اللہ
فوائد ومسائل: اس باب میں مذکورہ احادیث سے دلالی کے مسئلے پر روشنی پڑتی ہے۔ نبی کریمﷺ نے فرمایا...
فوائد ومسائل:
اس باب میں مذکورہ احادیث سے دلالی کے مسئلے پر روشنی پڑتی ہے۔
نبی کریم صلی اللہ علیہ وسلم نے فرمایا کہ کوئی شہری دیہاتی کےلئے اس کی لائی ہوئی اشیاء فروخت نہ کرے۔
حضرت ابن عباس رضی اللہ تعالیٰ عنہ نے کہا کہ اس کا مطلب ہے کہ شہری دیہاتی کا دلال نہ بنے۔
باب کی آخری حدیث میں اس کی حکمت یہ بتائی گئی ہے کہ لوگوں کی خرید وفروخت کے معاملے میں مداخلت نہ کی جائے۔
اللہ تعالیٰ لوگوں کو ایک دوسے کے ذریعے سے رزق دیتا ہے۔
یہ مارکیٹ کی قوتوں کوآزاد رکھنے کی تلقین ہے۔
آپ صلی اللہ علیہ وسلم نے اس وجہ سے قیمتیں مقرر کر دینے کو روانہ سمجھا۔
بلکہ قیمتوں کو رسد اور طلب کے فطری توازن کا نتیجہ قراردیا۔
اس میں کوئی شک نہیں کہ جو لوگ دیہات سے ضرورت کی اشیاء شہر میں لاتے ہیں۔
ان کو لالچ دے کر اپنی کوششوں سے قیمتوں میں اضافہ کروانا اور پھر اس میں حصہ دار بننا بنیادی طور پر آزاد مارکیٹ میں ناپسندیدہ مداخلت ہے۔
اس سے اشیاء ضرورت ناروا طور پر مہنگی ہوتی ہیں۔
اس لئے رسول اللہ صلی اللہ علیہ وسلم نے اس سے منع فرما دیا۔
دوسری طرف ابوداود ہی کی کتاب البیوع کی پہلی حدیث میں یہ ہے کہ رسول اللہ صلی اللہ علیہ وسلم نے بازار جاکر دلالوں کو سمسار کی بجائے جو ایک عجمی لفظ ہے۔
زیادہ قابل احترام نام تاجر سے پکارا۔
جس پر یہ حضرات بہت خوش ہوئے۔
آپ صلی اللہ علیہ وسلم نے ان کو تلقین فرمائی کہ بیع وشراء کے معاملے میں انسان سے کوتاہیاں سرزد ہوجاتی ہیں۔
اس لئے تم لوگوں کوصدقہ کرتے رہنا چاہیے۔
اس سے پتہ چلتا ہے کہ دلالی بطور ایک باقاعدہ ادارے کے موجود تھی۔
اور رسول اللہ صلی اللہ علیہ وسلم نے اس کو ختم نہ فرمایا شہروں میں بڑے پیمانے پر اشیائے صرف دور دراز سے آتی ہیں۔
جب مال کے ساتھ تاجر خود موجود نہ ہو یا مال اتنا ہو کہ سارا وہ خود نہ بیچ سکتا ہو۔
یا مقامی زبانوں تجارتی اصطلاحوں طور طریقوں اور مقامی تجارتی پارٹیوں کے قابل اعتبار ہونے نہ ہونے کے بارے میں ناواقفیت کے سبب مال لانے والوں کو شدید مشکلات درپیش ہوں تو ان کےلئے مقامی دلال یا ایجنٹ کی خدمات ضروری ہیں۔
ورنہ وہ اپنا مال منڈی میں نہ بھیجیں گے۔
اس لئے اس کاروبار کو ختم نہیں کیا جا سکتا۔
نہ رسول اللہ صلی اللہ علیہ وسلم نے دلالوں کو کاروبار ختم کرنے کا حکم ہی دیا ہے۔
بظاہر دونوں باتیں ایک دوسرے سے متضاد نظرآتی ہیں۔
لیکن دونوں کو اپنے اپنے مقام پررکھ کر دیکھا جائے تو حقیقتاً کوئی تضاد نہیں ہے۔
آپ صلی اللہ علیہ وسلم نے سمسار کے کاروبار کوبند کرنے کا حکم دینے کی بجائے اس کاروبار کے ایک حصے کے بارے میں فرمایا کہ کوئی شہری دیہاتی کی طرف سے نہ بیچے۔
یعنی دوسرے علاقوں کے شہری تاجردلالوں کی خدمات سے مستفید ہوسکتے ہیں۔
البتہ شہر کے ارد گرد کے لوگ جو اپنی اپنی زرعی پیداوار شہر میں بیچنے کے لئے لے کر آتے ہیں۔
ان کے معاملے میں مداخلت نہ کی جائے۔
تاکہ ان اشیاء کی خریدوفروخت فطری طریقے پر جاری رہے۔
امام مالک کا مسلک یہی ہے۔
ہمارے فقہاء نے آپ کے اس فرمان اللہ تعالیٰ لوگوں کو ایک دوسرے کے ذریعے سے رزق دیتا ہے۔
کا محض یہ مطلب لیا ہے۔
کہ دیہات سے اشیاء لانے والے افراد منڈی میں سستی بیچ جایا کریں گے۔
تو اس میں شہر والوں کی اجتماعی بھلائی ہوگی۔
آج کل جو کچھ سامنے آتا ہے۔
وہ اس کے برعکس ہے بلدیاتی اداروں نے دیہات سے تھوڑی مقدار میں اشیاء لانے والوں کو قانوناً مجبور کردیا ہے کہ وہ اپنی اشیاء دلالوں کے ذریعے سے فروخت کریں۔
اس کا نتیجہ یہ نکلا ہے کہ ایک طرف تو عام گاہک کےلئے چیزیں مہنگی ہوگیئں۔
دوسری طرف دیہاتیوں کو ان کی پیداوار کی بہت کم قیمت ملتی ہے۔
سارا منافع درمیان کے لوگ لے جاتے ہیں۔
روز مرہ کی اشیاء جن کی دہیات سے رسد جاری رہتی ہے۔
اگر دلالوں کی مداخلت سے الگ کردی جایئں۔
جس طرح ر سول اللہ صلی اللہ علیہ وسلم کا فرمان ہے۔
تو دونوں فریقوں کو بے حد فائدہ پہنچے گا۔
یہی آپ صلی اللہ علیہ وسلم کے فرمان مداخلت نہ کرو اللہ تعالیٰ لوگوں کو ایک دوسرے کے ذریعے سے رزق دیتا ہے۔
کا حقیقی مفہوم ہے۔
سنن ابی داود شرح از الشیخ عمر فاروق سعیدی 3440