🏠 👥 🔍 🧩 🅰️ 📌 ↩️

الشیخ عمر فاروق سعیدی حفظہ اللہ
فوائد ومسائل: 1) مذکورہ اُمور باعثِ لعنت اور کبیرہ گناہ ہیں، ان سے بچنا واجب اور ان کا ارتکاب...
فوائد ومسائل:
1) مذکورہ اُمور باعثِ لعنت اور کبیرہ گناہ ہیں، ان سے بچنا واجب اور ان کا ارتکاب حرام ہے۔

2) دعوتِ دین کا کام کرنے والوں کو لوگ انتہائی باریک نظر سے دیکھا کرتے ہیں اور چاہتے ہیں کہ وہ اپنے قول کے خود اولین عامل اور نمونہ ہوں، بلا شبہ اس کے بغیر ان کی دعوت غیر معیاری ہو جاتی ہے، اس لیئے مبلغ اور داعی حضرات و خواتین کو خود باعمل ہو نا چاہیئے۔
اور اُنہیں ہمیشہ اس سخت ترین قرآنی وعید کو مدِ نظر رکھنا چاہیئے۔
(يَاأَيُّهَا الَّذِينَ آمَنُوا لِمَ تَقُولُونَ مَا لَا تَفْعَلُونَ (2) كَبُرَ مَقْتًا عِنْدَ اللَّهِ أَنْ تَقُولُوا مَا لَا تَفْعَلُونَ)
3) حضرت عبد اللہ بن مسعود رضی اللہ عنہ اس معیار پر پورے اترتے تھے اور انہوں نے اپنے ایمانی جذبات کا اظہار کرتے ہوئے فرمایا: اگر ان کی بیوی خلافِ شریعت کاموں کی مرتکب ہوتی تو ان کے اہل میں نہ ہوتی۔

4) سورۃ حشر کی آیت 7 پوری شریعت کی جامع آیت ہے اور حجیت حدیث کی جامع دلیل بھی۔
سنن ابی داود شرح از الشیخ عمر فاروق سعیدی 4169