(نبی کریم صلی اللہ علیہ وسلم نے فرمایا:)
”بلاشبہ ایک بندے سے گناہ سرزد ہو گیا تو اس نے کہا: اے میرے رب! مجھ سے گناہ ہو گیا ہے، پس اسے بخش دے۔ تو اس کے رب نے فرمایا: کیا میرے بندے نے یہ جان لیا ہے کہ اس کا ایک رب ہے جو گناہ بخشتا بھی ہے اور اس پر گرفت بھی کرتا ہے؟ میں نے اپنے بندے کو بخش دیا۔ پھر وہ جب تک اللہ نے چاہا ٹھہرا رہا، پھر اس سے ایک اور گناہ ہو گیا، تو اس نے کہا: اے میرے رب! مجھ سے ایک اور گناہ ہو گیا ہے، پس مجھے بخش دے۔ اللہ نے فرمایا: کیا میرے بندے نے جان لیا ہے کہ اس کا ایک رب ہے جو گناہ بخشتا ہے اور اس پر پکڑ بھی کرتا ہے؟ میں نے اپنے بندے کو بخش دیا۔ پھر اس سے ایک اور گناہ ہو گیا تو اس نے کہا: اے میرے رب! مجھ سے ایک اور گناہ ہو گیا ہے، پس اسے بخش دے۔ اللہ نے فرمایا: کیا میرے بندے نے جان لیا ہے کہ اس کا ایک رب ہے جو گناہ بخشتا ہے اور اس پر پکڑ بھی کرتا ہے؟ میں نے اپنے بندے کو بخش دیا ہے، اب وہ جو چاہے عمل کرے۔“ [صحيح الجامع الصغير وزيادته/[حَرْفُ الْأَلِفِ] -- إِنْ ب/حدیث: 2103]