(نبی کریم صلی اللہ علیہ وسلم نے فرمایا:)
”مجھ سے وحی کچھ عرصے کے لیے رک گئی، پھر ایک دن میں چل رہا تھا کہ میں نے آسمان سے ایک آواز سنی، تو میں نے اپنی نظر آسمان کی طرف اٹھائی، تو میں نے اسی فرشتے کو دیکھا جو غارِ حرا میں میرے پاس آیا تھا، وہ آسمان اور زمین کے درمیان ایک تخت پر تھا، تو میں اس سے خوفزدہ ہو گیا یہاں تک کہ زمین پر گر پڑا۔ پھر میں خدیجہ کے پاس آیا اور کہا: مجھے چادر اڑھاؤ، مجھے چادر اڑھاؤ۔ تو انہوں نے مجھے چادر اڑھا دی، پھر جبریل آئے اور کہا: ”اے چادر اوڑھنے والے! اٹھو اور ڈراؤ، اور اپنے رب کی بڑائی بیان کرو، اور اپنے کپڑے پاک رکھو، اور گندگی سے دور رہو۔““ [صحيح الجامع الصغير وزيادته/حَرْفُ الْفَاءِ./حدیث: 4193]