(نبی کریم صلی اللہ علیہ وسلم نے فرمایا:)
”ابن آدم کے ہر جوڑ پر ہر صبح صدقہ لازم ہے: کسی سے ملاقات پر سلام کرنا صدقہ ہے، نیکی کا حکم دینا صدقہ ہے، برائی سے منع کرنا صدقہ ہے، راستے سے تکلیف دہ چیز ہٹانا صدقہ ہے، اور اپنی بیوی سے مباشرت کرنا بھی صدقہ ہے۔ اور یہ سب چاشت کی دو رکعتوں سے پورا ہو جاتا ہے۔ صحابہ نے عرض کیا: یا رسول اللہ! کیا ہم میں سے کوئی اپنی خواہش پوری کرے تو اسے بھی صدقے کا ثواب ملے گا؟ آپ صلی اللہ علیہ وسلم نے فرمایا: بتاؤ اگر وہ اسے ناجائز جگہ استعمال کرتا تو کیا اسے گناہ نہ ہوتا؟“ [صحيح الجامع الصغير وزيادته/حَرْفُ الْيَاءِ/حدیث: 8096]