سیدنا جابر رضی اللہ عنہ سے روایت ہے: ہم نے رسول اللہ صلی اللہ علیہ وسلم کے ساتھ ایک فرض نماز پڑھی، تو آپ صلی اللہ علیہ وسلم نے نماز میں اپنے دونوں ہاتھ ملا لیے، جب آپ صلی اللہ علیہ وسلم نماز سے فارغ ہوئے تو ہم نے عرض کیا: اے اللہ کے رسول! کیا نماز میں کوئی نئی بات پیش آئی؟ آپ صلی اللہ علیہ وسلم نے فرمایا: ”نہیں، البتہ شیطان نے میرے سامنے سے گزرنے کا ارادہ کیا تو میں نے اسے پکڑ کر دبا دیا، یہاں تک کہ میں نے اپنے ہاتھوں پر اس کی زبان کی ٹھنڈک محسوس کی، اللہ کی قسم! اگر میرے بھائی سلیمان علیہ السلام (کی دعا) مجھ سے سبقت نہ کر گئی ہوتی تو میں اسے مسجد کے کسی ستون سے باندھ دیتا، یہاں تک کہ مدینے کے بچے اسے دیکھنے کے لیے اس کے گرد جمع ہو جاتے۔“ [المعجم الكبير للطبراني/باب الجيم/حدیث: 2040]