ابوالزبیر مکی رحمہ اللہ کہتے ہیں: میں نے سیدنا ابواسید ساعدی رضی اللہ عنہ کو سنا، اس وقت سیدنا ابن عباس رضی اللہ عنہما ایک دینار کے بدلے دو دینار (کے تبادلے) کا فتویٰ دے رہے تھے، تو ابواسید رضی اللہ عنہ نے کہا اور ان سے سخت لہجے میں بات کی۔ سیدنا ابن عباس رضی اللہ عنہما نے کہا: مجھے یہ گمان نہ تھا کہ کوئی شخص جو رسول اللہ صلی اللہ علیہ وسلم سے میری قرابت جانتا ہے وہ مجھ سے اس طرح کی بات کہے گا، اے ابواسید! تو ابواسید رضی اللہ عنہ نے کہا: میں گواہی دیتا ہوں کہ میں نے رسول اللہ صلی اللہ علیہ وسلم کو یہ فرماتے سنا: ”دینار کے بدلے دینار، درہم کے بدلے درہم، گندم کا صاع گندم کے صاع کے بدلے، جو کا صاع جو کے صاع کے بدلے، اور نمک کا صاع نمک کے صاع کے بدلے، ان میں سے کسی چیز میں کوئی کمی بیشی نہیں۔“ اس پر سیدنا ابن عباس رضی اللہ عنہما نے کہا: یہ وہ بات ہے جو میں اپنی رائے سے کہا کرتا تھا اور اس بارے میں میں نے کچھ سنا نہیں تھا۔ [المعجم الكبير للطبراني/باب الميم/حدیث: 16644]