سیدنا معاویہ بن حیدہ رضی اللہ عنہ سے روایت ہے کہ وہ نبی کریم صلی اللہ علیہ وسلم کے پاس آئے اور عرض کیا: یا رسول اللہ! ہمارے رب نے آپ کو کس چیز کے ساتھ ہماری طرف بھیجا ہے؟ آپ صلی اللہ علیہ وسلم نے فرمایا: ”یہ کہ تم اللہ کی عبادت کرو اور اس کے ساتھ کسی کو شریک نہ ٹھہراؤ، اور نماز قائم کرو، اور زکوٰۃ ادا کرو، اور ہر مسلمان دوسرے مسلمان پر حرام ہے، یہی تمہارا دین ہے، تم جہاں بھی رہو یہ تمہارے لیے کافی ہے۔“ [المعجم الكبير للطبراني/باب الميم/حدیث: 17082]