سیدنا عبداللہ بن عمر رضی اللہ عنہما بیان کرتے ہیں: سیدنا معاذ بن جبل رضی اللہ عنہ روتے ہوئے گزرے، تو انہوں نے (سیدنا ابن عمر رضی اللہ عنہما نے) پوچھا: آپ کیوں رو رہے ہیں؟ انہوں نے کہا: ایک حدیث جو میں نے اس قبر والے سے سنی - یعنی نبی کریم صلی اللہ علیہ وسلم سے - آپ صلی اللہ علیہ وسلم نے فرمایا تھا: ”تھوڑا سا ریا بھی شرک ہے، اور اللہ کے نزدیک سب سے محبوب بندے وہ متقی اور گمنام لوگ ہیں جو غائب ہوں تو انہیں تلاش نہ کیا جائے، اور حاضر ہوں تو پہچانے نہ جائیں، یہی لوگ ہدایت کے امام اور علم کے چراغ ہیں۔“ [المعجم الكبير للطبراني/باب الميم/حدیث: 17189]