سیدنا معاذ بن جبل رضی اللہ عنہ کہتے ہیں: نبی کریم صلی اللہ علیہ وسلم ایک آدمی کے پاس سے گزرے جو کہہ رہا تھا: اے اللہ! میں تجھ سے صبر مانگتا ہوں، تو آپ صلی اللہ علیہ وسلم نے فرمایا: ”تم نے اللہ سے آزمائش مانگ لی، اس سے عافیت مانگو۔“ پھر آپ صلی اللہ علیہ وسلم ایک اور آدمی کے پاس سے گزرے جو کہہ رہا تھا: اے جلال اور اکرام والے! تو آپ صلی اللہ علیہ وسلم نے فرمایا: ”تمہاری دعا قبول کر لی گئی۔“ پھر آپ صلی اللہ علیہ وسلم ایک اور آدمی کے پاس سے گزرے جو کہہ رہا تھا: اے اللہ! میں تجھ سے تیری نعمت کی تکمیل مانگتا ہوں، تو آپ صلی اللہ علیہ وسلم نے فرمایا: ”کیا تمہیں معلوم ہے کہ نعمت کی تکمیل کیا ہے؟“ اس نے عرض کیا: یہ ایک دعا ہے جو میں نے مانگی ہے، جس سے مجھے خیر کی امید ہے، آپ صلی اللہ علیہ وسلم نے فرمایا: ”نعمت کی تکمیل میں سے یہ ہے کہ آگ سے پناہ ملے اور جنت میں داخلہ ہو۔“ [المعجم الكبير للطبراني/باب الميم/حدیث: 17233]

سیدنا معاذ بن جبل رضی اللہ عنہ رسول اللہ صلی اللہ علیہ وسلم سے روایت کرتے ہیں کہ آپ صلی اللہ علیہ وسلم ایک آدمی کے پاس سے گزرے جو کہہ رہا تھا: اے اللہ! میں تجھ سے صبر مانگتا ہوں، تو آپ صلی اللہ علیہ وسلم نے فرمایا: ”تم نے اللہ سے آزمائش مانگ لی، اللہ سے عافیت مانگو۔“ پھر آپ صلی اللہ علیہ وسلم ایک آدمی کے پاس سے گزرے جو کہہ رہا تھا: اے جلال و اکرام والے! تو آپ صلی اللہ علیہ وسلم نے فرمایا: ”تمہاری دعا قبول کر لی گئی، اب مانگو۔“ پھر آپ صلی اللہ علیہ وسلم ایک آدمی کے پاس سے گزرے جو کہہ رہا تھا: اے اللہ! میں تجھ سے نعمت کی تکمیل مانگتا ہوں، تو آپ صلی اللہ علیہ وسلم نے فرمایا: ”اے ابن آدم! کیا تمہیں معلوم ہے کہ نعمت کی تکمیل کیا ہے؟“ اس نے عرض کیا: ایک دعا ہے جو میں نے مانگی ہے، اس سے مجھے خیر کی امید ہے، آپ صلی اللہ علیہ وسلم نے فرمایا: ”نعمت کی تکمیل جنت میں داخلہ اور آگ سے نجات ہے۔“ [المعجم الكبير للطبراني/باب الميم/حدیث: 17234]

لجلاج رضی اللہ عنہ سیدنا معاذ بن جبل رضی اللہ عنہ کے واسطے سے نبی کریم صلی اللہ علیہ وسلم سے اسی جیسی حدیث بیان کرتے ہیں۔ [المعجم الكبير للطبراني/باب الميم/حدیث: 17235]

لجلاج رضی اللہ عنہ سیدنا معاذ بن جبل رضی اللہ عنہ کے واسطے سے نبی کریم صلی اللہ علیہ وسلم سے اسی جیسی حدیث بیان کرتے ہیں۔ [المعجم الكبير للطبراني/باب الميم/حدیث: 17236]