عمرو بن میمون رحمہ اللہ سیدنا معاذ بن جبل رضی اللہ عنہ سے روایت کرتے ہیں کہ رسول اللہ صلی اللہ علیہ وسلم نے انہیں یمن کی طرف بھیجا، تو انہوں نے لوگوں کو نماز فجر پڑھائی، اور سورۃ النساء کی تلاوت کی، جب اس آیت پر پہنچے: ﴿اور اللہ نے ابراہیم کو اپنا خلیل بنایا﴾ [النساء: 125] ، تو ایک عورت نے کہا: ام ابراہیم کی آنکھ ٹھنڈی ہو گئی۔ [المعجم الكبير للطبراني/باب الميم/حدیث: 17388]

عمرو بن میمون رحمہ اللہ سیدنا معاذ بن جبل رضی اللہ عنہ کے واسطے سے اسی جیسی حدیث بیان کرتے ہیں کہ رسول اللہ صلی اللہ علیہ وسلم نے انہیں یمن کی طرف بھیجا تو انہوں نے لوگوں کو نماز فجر پڑھائی۔ [المعجم الكبير للطبراني/باب الميم/حدیث: 17389]

عمرو بن میمون رحمہ اللہ سیدنا معاذ بن جبل رضی اللہ عنہ سے روایت کرتے ہیں، وہ بیان کرتے ہیں: میں رسول اللہ صلی اللہ علیہ وسلم کے پیچھے سوار تھا، تو آپ صلی اللہ علیہ وسلم نے فرمایا: ”اے معاذ! کیا تمہیں معلوم ہے کہ لوگوں پر اللہ کا کیا حق ہے؟“ میں نے عرض کیا: اللہ اور اس کا رسول زیادہ جانتے ہیں، آپ صلی اللہ علیہ وسلم نے فرمایا: ”ان پر اس کا حق یہ ہے کہ وہ اس کی عبادت کریں اور اس کے ساتھ کسی چیز کو شریک نہ ٹھہرائیں، اے معاذ! کیا تمہیں معلوم ہے کہ جب وہ ایسا کر لیں تو لوگوں کا اللہ پر کیا حق ہے؟ یہ کہ وہ انہیں عذاب نہ دے“، میں نے عرض کیا: یا رسول اللہ! کیا میں لوگوں کو خوشخبری نہ سنا دوں؟ آپ صلی اللہ علیہ وسلم نے فرمایا: ”انہیں چھوڑ دو، وہ عمل کرتے رہیں۔“ [المعجم الكبير للطبراني/باب الميم/حدیث: 17390]

عمرو بن میمون اودی رحمہ اللہ سیدنا معاذ بن جبل رضی اللہ عنہ سے روایت کرتے ہیں، وہ بیان کرتے ہیں: میں نبی کریم صلی اللہ علیہ وسلم کے پیچھے سوار تھا، تو آپ صلی اللہ علیہ وسلم نے فرمایا: ”اے معاذ! کیا تمہیں معلوم ہے کہ بندوں پر اللہ کا کیا حق ہے، اور بندوں کا اللہ پر کیا حق ہے؟ بندوں پر اللہ کا حق یہ ہے کہ وہ اس کی عبادت کریں اور اس کے ساتھ کسی چیز کو شریک نہ ٹھہرائیں، اور بندوں کا اللہ پر حق یہ ہے کہ وہ اس شخص کو عذاب نہ دے جو اس حال میں مرے کہ اس کے ساتھ کسی چیز کو شریک نہ ٹھہراتا ہو۔“ [المعجم الكبير للطبراني/باب الميم/حدیث: 17391]

عمرو بن میمون رحمہ اللہ سیدنا معاذ بن جبل رضی اللہ عنہ سے روایت کرتے ہیں، وہ بیان کرتے ہیں: میں رسول اللہ صلی اللہ علیہ وسلم کے پیچھے ایک گدھے پر سوار تھا جسے عفیر کہا جاتا تھا، تو آپ صلی اللہ علیہ وسلم نے مجھ سے فرمایا: ”اے معاذ! کیا تمہیں معلوم ہے کہ بندوں پر اللہ کا کیا حق ہے؟ یہ کہ وہ اس کی عبادت کریں اور اس کے ساتھ کسی چیز کو شریک نہ ٹھہرائیں، اور بندوں کا اللہ پر حق یہ ہے کہ وہ اس شخص کو عذاب نہ دے جو اس کے ساتھ کسی چیز کو شریک نہ ٹھہراتا ہو“، تو میں نے عرض کیا: یا رسول اللہ! کیا میں لوگوں کو خوشخبری نہ سنا دوں؟ آپ صلی اللہ علیہ وسلم نے فرمایا: ”انہیں خوشخبری مت سناؤ، ورنہ وہ اسی پر بھروسہ کر بیٹھیں گے۔“ [المعجم الكبير للطبراني/باب الميم/حدیث: 17392]

عمرو بن میمون رحمہ اللہ سیدنا معاذ بن جبل رضی اللہ عنہ سے روایت کرتے ہیں، وہ بیان کرتے ہیں: میں نبی کریم صلی اللہ علیہ وسلم کے پیچھے سوار تھا، تو آپ صلی اللہ علیہ وسلم نے فرمایا: ”کیا تمہیں معلوم ہے کہ بندوں پر اللہ کا کیا حق ہے؟“ پھر راوی نے پوری حدیث بیان کی۔ [المعجم الكبير للطبراني/باب الميم/حدیث: 17393]