عوف بن ابی جمیلہ رحمہ اللہ حسن (بصری) رحمہ اللہ سے روایت کرتے ہیں، وہ بیان کرتے ہیں: سیدنا معقل بن یسار رضی اللہ عنہ ایسے مرض میں مبتلا ہوئے جس میں ان کی حالت سخت ہو گئی، تو ابن زیاد ان کی عیادت کے لیے آیا۔ انہوں نے کہا: میں تمہیں ایک ایسی حدیث سناتا ہوں جو میں نے رسول اللہ صلی اللہ علیہ وسلم سے سنی۔ میں نے رسول اللہ صلی اللہ علیہ وسلم کو یہ فرماتے سنا: ”جس کسی کو بھی کسی رعیت کا ذمہ دار بنایا جائے اور وہ اس کی خیرخواہی نہ کرے، وہ جنت کی خوشبو تک نہیں پائے گا، جبکہ اس کی خوشبو سو سال کی مسافت سے پائی جاتی ہے۔“ تو ابن زیاد نے کہا: تم نے مجھے یہ حدیث اس سے پہلے کیوں نہ سنائی؟ انہوں نے کہا: ”اب اگر یہ حال نہ ہوتا جس میں میں ہوں تو میں یہ حدیث تمہیں نہ سناتا۔“ [المعجم الكبير للطبراني/باب الميم/حدیث: 17607]