سیدنا معقل بن یسار رضی اللہ عنہ کے چچازاد بھائی کہتے ہیں: زیاد ان کے پاس آیا اور کہا: اللہ تعالیٰ آپ کی مجلس سے ہمیں علم کے ذریعے فائدہ پہنچاتا رہا ہے، اور آپ ہمیں نبی کریم صلی اللہ علیہ وسلم سے حدیثیں سنایا کرتے تھے، تو معقل رضی اللہ عنہ نے کہا: میں نے نبی کریم صلی اللہ علیہ وسلم کو یہ فرماتے سنا: ”جو مسلمانوں کے کسی معاملے کا ذمہ دار بنے اور ان کی خیرخواہی کے ساتھ ویسی حفاظت نہ کرے جیسی وہ اپنے گھر والوں کی کرتا ہے، وہ اپنا ٹھکانہ جہنم میں بنا لے۔“ اس نے کہا: میں نے یہ حدیث آپ سے پہلے کبھی نہیں سنی۔ انہوں نے کہا: ”میں یہ حدیث تمہیں اسی حال میں ہی سنانے والا تھا جس حال میں اب ہوں۔“ پھر زیاد اپنا کپڑا گھسیٹتا ہوا باہر نکل گیا۔ [المعجم الكبير للطبراني/باب الميم/حدیث: 17647]