عبدالرحمن بن جبیر بیان کرتے ہیں: ہم ایک مجلس میں تھے جس میں سیدنا مستورد رضی اللہ عنہ اور عمرو بن غیلان بن سلمہ موجود تھے، سیدنا مستورد رضی اللہ عنہ نے کہا: میں نے رسول اللہ صلی اللہ علیہ وسلم کو یہ فرماتے سنا: ”جو شخص ہمارا کوئی کام سنبھالے اور اس کی بیوی نہ ہو تو وہ بیوی رکھ لے، جس کا خادم نہ ہو وہ خادم رکھ لے، جس کا مکان نہ ہو وہ مکان بنا لے، اور جس کے پاس سواری نہ ہو وہ سواری رکھ لے۔“ سیدنا ابوبکر رضی اللہ عنہ نے عرض کیا: یا رسول اللہ! آپ نے تو بہت کچھ بڑھا دیا۔ رسول اللہ صلی اللہ علیہ وسلم نے فرمایا: ”جو شخص اس کے علاوہ کچھ اور حاصل کرے وہ خیانت کرنے والا ہے۔“ [المعجم الكبير للطبراني/باب الميم/حدیث: 17856]

عبدالرحمن بن جبیر بن نفیر بیان کرتے ہیں: میں ایک مجلس میں تھا جس میں سیدنا مستورد بن شداد رضی اللہ عنہ اور عمرو بن غیلان موجود تھے، میں نے سیدنا مستورد رضی اللہ عنہ کو یہ کہتے سنا: میں نے رسول اللہ صلی اللہ علیہ وسلم کو یہ فرماتے سنا: ”جو شخص ہمارا کوئی کام سنبھالے اور اس کی بیوی نہ ہو تو وہ شادی کر لے، یا خادم نہ ہو تو خادم رکھ لے، یا مکان نہ ہو تو مکان بنا لے، یا سواری نہ ہو تو سواری رکھ لے، پس جو شخص اس کے علاوہ کچھ اور حاصل کرے وہ خیانت کرنے والا یا چور ہے۔“ [المعجم الكبير للطبراني/باب الميم/حدیث: 17857]

سیدنا مستورد بن شداد رضی اللہ عنہ سے روایت ہے، وہ کہتے ہیں: میں نے رسول اللہ صلی اللہ علیہ وسلم کو یہ فرماتے سنا: ”جو شخص ہمارا کارندہ بنے وہ بیوی حاصل کر لے، اگر اس کا خادم نہ ہو تو خادم حاصل کر لے، اور جس کا مکان نہ ہو وہ مکان حاصل کر لے۔“ [المعجم الكبير للطبراني/باب الميم/حدیث: 17858]