علی بن ربیعہ رحمہ اللہ کہتے ہیں: کوفہ میں سب سے پہلے جس پر نوحہ کیا گیا وہ قرظہ بن کعب انصاری رضی اللہ عنہ تھے، تو (بتایا گیا کہ) مغیرہ رضی اللہ عنہ کھڑے ہوئے، اللہ کی حمد و ثنا بیان کی، پھر فرمایا: میں نے رسول اللہ صلی اللہ علیہ وسلم کو فرماتے سنا: ”جو مجھ پر جان بوجھ کر جھوٹ باندھے، وہ اپنا ٹھکانہ جہنم میں بنا لے۔“
اور میں نے آپ صلی اللہ علیہ وسلم کو یہ بھی فرماتے سنا: ”جس پر نوحہ کیا جائے، اسے عذاب دیا جاتا ہے جب تک اس پر نوحہ کیا جاتا رہے۔“ [المعجم الكبير للطبراني/باب الميم/حدیث: 18098]

سیدنا مغیرہ بن شعبہ رضی اللہ عنہ کہتے ہیں: میں نے رسول اللہ صلی اللہ علیہ وسلم کو فرماتے سنا: ”مجھ پر جھوٹ باندھنا کسی اور پر جھوٹ باندھنے جیسا نہیں ہے۔“
اور میں نے رسول اللہ صلی اللہ علیہ وسلم کو یہ فرماتے سنا: ”جو مجھ پر جان بوجھ کر جھوٹ باندھے، وہ اپنا ٹھکانہ جہنم میں بنا لے۔“
اور رسول اللہ صلی اللہ علیہ وسلم نے فرمایا: ”جب میت پر نوحہ کیا جاتا ہے تو اسے اس نوحے کے سبب عذاب دیا جاتا ہے۔“ [المعجم الكبير للطبراني/باب الميم/حدیث: 18099]

سیدنا مغیرہ بن شعبہ رضی اللہ عنہ سے روایت ہے کہ وہ ایک سفر میں نبی کریم صلی اللہ علیہ وسلم کے ساتھ تھے، آپ صلی اللہ علیہ وسلم نے وضو کیا اور موزوں پر مسح فرمایا۔ [المعجم الكبير للطبراني/باب الميم/حدیث: 18100]

سیدنا مغیرہ بن شعبہ رضی اللہ عنہ سے روایت ہے کہ نبی کریم صلی اللہ علیہ وسلم نے وضو کیا اور اپنے موزوں پر مسح فرمایا۔ [المعجم الكبير للطبراني/باب الميم/حدیث: 18101]