سیدنا مغیرہ بن شعبہ رضی اللہ عنہ سے روایت ہے، فرماتے ہیں: ”رسول اللہ صلی اللہ علیہ وسلم اپنے کسی غزوے میں تھے کہ آپ صلی اللہ علیہ وسلم قضائے حاجت کے لیے اترے، تو میں آپ صلی اللہ علیہ وسلم کے لیے وضو کا پانی لے آیا۔ آپ صلی اللہ علیہ وسلم نے ایک تنگ جبہ پہن رکھا تھا، تو آپ صلی اللہ علیہ وسلم نے اپنا ہاتھ اس کے نیچے سے نکالا، میں نے آپ صلی اللہ علیہ وسلم پر پانی ڈالا، آپ صلی اللہ علیہ وسلم نے وضو کیا اور اپنے موزوں پر مسح فرمایا۔“ [المعجم الكبير للطبراني/باب الميم/حدیث: 18121]