سیدنا ابورہم سمعی رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”سب سے بڑے چوروں میں سے وہ ہے جو حاکم کی زبان چراتا ہے، اور سب سے بڑی خطاؤں میں سے یہ ہے کہ کوئی شخص کسی مسلمان کا مال ناحق ہتھیا لے، اور نیکیوں میں سے مریض کی عیادت کرنا ہے، اور عیادت کی تکمیل یہ ہے کہ تم اپنا ہاتھ اس پر رکھو اور اس سے پوچھو کہ وہ کیسا ہے، اور سب سے افضل شفاعتوں میں سے یہ ہے کہ تم دو لوگوں کے درمیان نکاح میں سفارش کرو یہاں تک کہ انہیں جوڑ دو، اور انبیاء کے لباس میں سے یہ ہے کہ قمیص شلوار سے پہلے پہنی جائے، اور دعا کے وقت جن چیزوں سے قبولیت کی امید کی جاتی ہے ان میں چھینک کا آنا بھی ہے۔“ [المعجم الكبير للطبراني/مسند من يعرف بالكنى/حدیث: 19046]