سیدنا ابووہب جشمی رضی اللہ عنہ، جنہیں رسول اللہ صلی اللہ علیہ وسلم کی صحبت حاصل تھی، کہتے ہیں کہ رسول اللہ صلی اللہ علیہ وسلم نے فرمایا: ”انبیاء کے ناموں پر اپنے نام رکھو، اللہ کو سب سے پسندیدہ نام عبداللہ اور عبدالرحمٰن ہیں، سب سے سچے نام حارث اور ہمام ہیں، اور سب سے برے نام حرب اور مرہ ہیں۔ اور گھوڑے پالو اور ان کی پیشانیوں اور سرینوں پر ہاتھ پھیرو، یا فرمایا: ان کی دموں کے قریب کے حصے پر، اور انہیں ہار پہناؤ لیکن انہیں کمانوں کی تانتیں مت پہناؤ۔ اور تم پر لازم ہے کہ سرخی مائل سیاہ، پیشانی اور ٹخنوں پر سفیدی والا گھوڑا رکھو، یا سرخ، پیشانی اور ٹخنوں پر سفیدی والا، یا سیاہ، پیشانی اور ٹخنوں پر سفیدی والا۔“ [المعجم الكبير للطبراني/مسند من يعرف بالكنى/حدیث: 19152]