مصعب بن عبداللہ زبیری رحمہ اللہ کہتے ہیں: سیدہ فاطمہ رضی اللہ عنہا کی کنیت ”ام ابیہا“ (اپنے والد کی ماں) تھی۔ [المعجم الكبير للطبراني/مسند النساء/حدیث: 19188]

ابن جریج رحمہ اللہ کہتے ہیں: کئی لوگوں نے مجھے بتایا کہ سیدہ فاطمہ رضی اللہ عنہا رسول اللہ صلی اللہ علیہ وسلم کی صاحبزادیوں میں سب سے چھوٹی اور آپ صلی اللہ علیہ وسلم کو سب سے زیادہ محبوب تھیں۔ اور زبیر بن بکار کا خیال ہے کہ سیدہ رقیہ رضی اللہ عنہا سیدہ فاطمہ رضی اللہ عنہا سے چھوٹی تھیں۔ [المعجم الكبير للطبراني/مسند النساء/حدیث: 19189]

زبیر بن بکار رحمہ اللہ کہتے ہیں: نبی کریم صلی اللہ علیہ وسلم کی اولاد میں سب سے بڑے سیدنا قاسم رضی اللہ عنہ تھے، پھر سیدہ زینب رضی اللہ عنہا، پھر سیدنا عبداللہ رضی اللہ عنہ، جنہیں طیب اور طاہر بھی کہا جاتا تھا، وہ نبوت کے بعد پیدا ہوئے اور کم عمری میں فوت ہو گئے، پھر سیدہ ام کلثوم رضی اللہ عنہا، پھر سیدہ فاطمہ رضی اللہ عنہا، پھر سیدہ رقیہ رضی اللہ عنہا، اسی ترتیب سے۔ سیدنا قاسم رضی اللہ عنہ مکہ میں فوت ہوئے، پھر سیدنا عبداللہ رضی اللہ عنہ فوت ہوئے۔ [المعجم الكبير للطبراني/مسند النساء/حدیث: 19190]

محمد بن علی مدینی، معروف بہ فستقہ، کہتے ہیں: سیدہ فاطمہ بنت رسول اللہ صلی اللہ علیہ وسلم رضی اللہ عنہا کی کنیت ”ام ابیہا“ تھی۔ کہا جاتا ہے کہ وہ سیدہ خدیجہ رضی اللہ عنہا سے رسول اللہ صلی اللہ علیہ وسلم کی سب سے چھوٹی اولاد تھیں، اور یہ بھی کہا جاتا ہے کہ وہ رسول اللہ صلی اللہ علیہ وسلم کے بیٹے سیدنا عبداللہ رضی اللہ عنہ کی جڑواں بہن تھیں۔ [المعجم الكبير للطبراني/مسند النساء/حدیث: 19191]

سیدہ عائشہ رضی اللہ عنہا کہتی ہیں: سیدہ فاطمہ رضی اللہ عنہا رسول اللہ صلی اللہ علیہ وسلم کے چھ ماہ بعد فوت ہوئیں، اور سیدنا علی بن ابی طالب رضی اللہ عنہ نے انہیں رات کے وقت دفن کیا۔ [المعجم الكبير للطبراني/مسند النساء/حدیث: 19192]

سیدہ عائشہ رضی اللہ عنہا سے روایت ہے کہ سیدہ فاطمہ رضی اللہ عنہا رسول اللہ صلی اللہ علیہ وسلم کے بعد چھ ماہ زندہ رہیں۔ [المعجم الكبير للطبراني/مسند النساء/حدیث: 19193]

سیدہ عائشہ رضی اللہ عنہا سے روایت ہے کہ سیدنا علی رضی اللہ عنہ نے سیدہ فاطمہ رضی اللہ عنہا کو رات کے وقت دفن کیا۔ [المعجم الكبير للطبراني/مسند النساء/حدیث: 19194]

عروہ رحمہ اللہ سے روایت ہے کہ سیدنا علی رضی اللہ عنہ نے سیدہ فاطمہ رضی اللہ عنہا کو رات کے وقت دفن کیا۔ [المعجم الكبير للطبراني/مسند النساء/حدیث: 19195]

زہری رحمہ اللہ کہتے ہیں: سیدہ فاطمہ رضی اللہ عنہا نبی کریم صلی اللہ علیہ وسلم کے بعد چھ ماہ زندہ رہیں، پھر فوت ہو گئیں۔ [المعجم الكبير للطبراني/مسند النساء/حدیث: 19196]

سیدہ عائشہ رضی اللہ عنہا کہتی ہیں: سیدہ فاطمہ رضی اللہ عنہا رسول اللہ صلی اللہ علیہ وسلم کے بعد چھ ماہ زندہ رہیں۔ [المعجم الكبير للطبراني/مسند النساء/حدیث: 19197]