سیدنا ابن عباس رضی اللہ عنہما فرماتے ہیں: ”اسے اپنے لیے برا نہ سمجھو، بلکہ یہ تمہارے لیے بہتر ہے“ [سورۃ النور: 11] کا مطلب یہ ہے کہ یہ رسول اللہ صلی اللہ علیہ وسلم کے لیے بھلائی، مومن عورتوں کی سردار (سیدہ عائشہ) کی براءت، اور ابوبکر، سیدہ عائشہ کی والدہ اور صفوان بن معطل کے لیے بھی بھلائی ہے۔ جو جھوٹی بات تم سے کہی گئی اسے اپنے لیے برا نہ سمجھو، بلکہ یہ تمہارے لیے بہتر ہے، کیونکہ تمہیں اس پر اجر ملے گا۔ [المعجم الكبير للطبراني/مسند النساء/حدیث: 19477]