حسان بن مخارق بیان کرتے ہیں کہ سیدہ ام سلمہ رضی اللہ عنہا نے فرمایا: میری ایک بیٹی بیمار ہوئی تو میں نے اس کے لیے اس کے کوزے میں نبیذ بنائی، تو رسول اللہ صلی اللہ علیہ وسلم اندر تشریف لائے جبکہ وہ جوش مار رہی تھی، تو آپ صلی اللہ علیہ وسلم نے فرمایا: ”یہ کیا ہے؟“ میں نے عرض کیا: میری بیٹی بیمار ہے، اس کے لیے میں نے یہ بنائی ہے۔ آپ صلی اللہ علیہ وسلم نے فرمایا: ”اللہ تعالیٰ نے تمہاری شفا اس چیز میں نہیں رکھی جو تم پر حرام کی گئی ہے۔“ [المعجم الكبير للطبراني/مسند النساء/حدیث: 20053]