سیدہ ام سلمہ رضی اللہ عنہا سے روایت ہے کہ رسول اللہ صلی اللہ علیہ وسلم نے ایک رات فرمایا: ”سبحان اللہ! کتنے فتنے نازل کیے گئے ہیں؟ کتنے خزانے کھولے گئے ہیں؟ حجروں والیوں کو جگاؤ، کیونکہ کتنی ہی عورتیں دنیا میں ڈھکی ہوئی ہیں مگر قیامت کے دن ننگی ہوں گی۔“ [المعجم الكبير للطبراني/مسند النساء/حدیث: 20137]

سیدہ ام سلمہ رضی اللہ عنہا سے روایت ہے، فرماتی ہیں: رسول اللہ صلی اللہ علیہ وسلم ایک رات بیدار ہوئے اور فرما رہے تھے: ”اللہ کے سوا کوئی سچا معبود نہیں، آج رات کتنے خزانے کھولے گئے ہیں؟ اللہ کے سوا کوئی سچا معبود نہیں، آج رات کتنے فتنے نازل کیے گئے ہیں؟ حجرے والیوں کو کون جگائے گا؟ کتنی ہی عورتیں دنیا میں ڈھکی ہوئی ہیں مگر آخرت میں ننگی ہوں گی۔“ [المعجم الكبير للطبراني/مسند النساء/حدیث: 20138]