سیدہ ام سلمہ رضی اللہ عنہا سے روایت ہے، انہوں نے رسول اللہ صلی اللہ علیہ وسلم کو یہ فرماتے سنا: ”جب زمین میں برائی ظاہر ہو جاتی ہے تو اللہ تعالیٰ اہلِ زمین پر اپنا عذاب نازل فرماتا ہے۔“ میں نے عرض کیا: یا رسول اللہ! چاہے ان میں نیک لوگ بھی ہوں؟ آپ صلی اللہ علیہ وسلم نے فرمایا: ”ہاں، چاہے ان میں نیک لوگ بھی ہوں، انہیں بھی وہی مصیبت پہنچے گی جو باقی لوگوں کو پہنچے گی، پھر وہ اللہ کی رحمت اور مغفرت کی طرف لوٹ آئیں گے۔“ [المعجم الكبير للطبراني/مسند النساء/حدیث: 20193]