مجاہد بن جبر رحمہ اللہ کہتے ہیں: ابن زبیر رضی اللہ عنہما نے کہا: حج کو مفرد کرو، اور اپنے (اس) اندھے کی بات چھوڑ دو۔ تو عبداللہ بن عباس رضی اللہ عنہما نے کہا: جس کا دل اللہ نے اندھا کر دیا ہے وہ تم ہو، کیا تم اپنی والدہ سے اس بارے میں نہیں پوچھتے؟ تو انہوں نے ان کی طرف پیغام بھیجا، تو سیدہ اسماء رضی اللہ عنہا نے فرمایا: عبداللہ بن عباس نے سچ کہا،“ہم رسول اللہ صلی اللہ علیہ وسلم کے ساتھ حج کا احرام باندھ کر نکلے، پھر ہم نے اسے عمرہ بنا لیا، تو ہم نے مکمل طور پر احرام کھول دیا، یہاں تک کہ مردوں اور عورتوں کے درمیان خوشبو کی انگیٹھیاں دہکنے لگیں (یعنی خوشبو لگائی جانے لگی)۔” [المعجم الكبير للطبراني/مسند النساء/حدیث: 20614]

مجاہد بن جبر رحمہ اللہ کہتے ہیں: ابن زبیر رضی اللہ عنہما نے کہا: حج کو مفرد کرو، اور اپنے (اس) اندھے کی بات مت سنو۔ تو ابن عباس رضی اللہ عنہما نے کہا: جس کا دل اللہ نے اندھا کیا ہے وہ تم ہو، اپنی والدہ کی طرف پیغام بھیجو اور ان سے پوچھو۔ چنانچہ انہوں نے سیدہ اسماء رضی اللہ عنہا کی طرف پیغام بھیجا، تو انہوں نے فرمایا: ابن عباس نے سچ کہا،“ہم حج کا احرام باندھ کر آئے تو رسول اللہ صلی اللہ علیہ وسلم نے ہمیں حکم دیا کہ ہم احرام کھول دیں، تو ہم نے مکمل طور پر احرام کھول دیا، یہاں تک کہ مردوں اور عورتوں کے درمیان خوشبو کی انگیٹھیاں دہکنے لگیں۔” [المعجم الكبير للطبراني/مسند النساء/حدیث: 20615]