سیدہ اسماء بنت عمیس خثعمیہ رضی اللہ عنہا فرماتی ہیں: میں نے رسول اللہ صلی اللہ علیہ وسلم کو یہ فرماتے سنا: ”برا بندہ ہے وہ بندہ جو تکبر کرے، زیادتی کرے اور بلند جبار اللہ کو بھول جائے۔ برا بندہ ہے وہ بندہ جو بخل کرے، اکڑ کر چلے اور بزرگ و برتر اللہ کو بھول جائے۔ برا بندہ ہے وہ بندہ جو کھیل کود میں لگا رہے، غافل رہے اور ابتدا و انتہا کو بھول جائے۔ برا بندہ ہے وہ بندہ جو سرکشی کرے، زیادتی کرے اور قبروں اور بوسیدگی کو بھول جائے۔ برا بندہ ہے وہ بندہ جو دین کے ذریعے دنیا کو دھوکہ دے۔ برا بندہ ہے وہ بندہ جو شبہات کے ذریعے دین کو دھوکہ دے۔ برا بندہ ہے وہ بندہ جسے خوف ذلیل کر دے اور وہ اسے حق سے ہٹا دے۔ برا بندہ ہے وہ بندہ جسے لالچ چلائے۔ برا بندہ ہے وہ بندہ جس کی خواہش اسے گمراہ کر دے۔“ [المعجم الكبير للطبراني/مسند النساء/حدیث: 20772]