شہر بن حوشب سے مروی ہے کہ ان کی ملاقات سیدہ اسماء بنت یزید رضی اللہ عنہا سے ہوئی، انہوں نے مجھے بتایا کہ انہوں نے رسول اللہ صلی اللہ علیہ وسلم سے اس دن بیعت کی جس دن آپ صلی اللہ علیہ وسلم نے عورتوں سے بیعت لی، وہ آگے بڑھیں اور بیعت کے لیے اپنا ہاتھ بڑھایا تو آپ صلی اللہ علیہ وسلم نے اپنا ہاتھ روک لیا اور فرمایا: ”میں عورتوں سے مصافحہ نہیں کرتا، بلکہ صرف زبانی عہد لیتا ہوں۔“ سیدہ اسماء رضی اللہ عنہا کہتی ہیں: اور میں نے کپڑا اور زیور پہنا ہوا تھا، آپ صلی اللہ علیہ وسلم نے فرمایا: ”اے اسماء!“ میں نے عرض کیا: حاضر ہوں یا رسول اللہ! اور خوشی سے حاضر ہوں، آپ صلی اللہ علیہ وسلم نے فرمایا: ”کیا تمہیں پسند ہے کہ تمہیں اسی زیور سے داغا جائے؟“ میں نے عرض کیا: یہ کیسے یا رسول اللہ؟ آپ صلی اللہ علیہ وسلم نے فرمایا: ”جو شخص سونا پہنے یا اپنی کسی اولاد کو ایک چھوٹی سی بالی یا ٹڈی کی ٹانگ جتنا بھی سونا پہنائے، اسے قیامت کے دن اسی سے داغا جائے گا۔“ [المعجم الكبير للطبراني/مسند النساء/حدیث: 20830]