سیدہ امیمہ رضی اللہ عنہا، جو رسول اللہ صلی اللہ علیہ وسلم کی آزاد کردہ باندی تھیں، کہتی ہیں: میں رسول اللہ صلی اللہ علیہ وسلم کو وضو کے لیے پانی ڈالا کرتی تھی، اسی دوران ایک شخص آیا اور کہنے لگا: مجھے نصیحت فرمائیے، تو آپ صلی اللہ علیہ وسلم نے فرمایا: ”اللہ کے ساتھ کسی کو شریک نہ ٹھہرانا، خواہ تجھے کاٹ دیا جائے اور آگ میں جلا دیا جائے، اور اپنے والدین کی نافرمانی ہرگز نہ کرنا، اگرچہ وہ تجھے حکم دیں کہ اپنے اہل و مال کو چھوڑ دے تو انہیں چھوڑ دینا، اور کبھی شراب نہ پینا کیونکہ وہ ہر برائی کی جڑ ہے، اور جان بوجھ کر کبھی نماز نہ چھوڑنا، کیونکہ جو ایسا کرے اس سے اللہ اور اس کے رسول کی ذمہ داری بری ہو جاتی ہے، اور جنگ کے دن میدان سے ہرگز نہ بھاگنا، کیونکہ جو ایسا کرے وہ اللہ کے غضب کے ساتھ لوٹتا ہے اور اس کا ٹھکانہ جہنم ہے اور وہ برا ٹھکانہ ہے، اور اپنی زمین کی حدود میں (ناحق) کبھی اضافہ نہ کرنا، کیونکہ جو ایسا کرے وہ قیامت کے دن سات زمینوں کے برابر زمین اپنی گردن پر اٹھائے ہوئے آئے گا، اور اپنی وسعت کے مطابق اپنے گھر والوں پر خرچ کرنا، اور ان سے اپنی لاٹھی (یعنی تربیت و نگرانی) نہ اٹھانا، اور انہیں اللہ کے بارے میں ڈراتے رہنا۔“ [المعجم الكبير للطبراني/مسند النساء/حدیث: 20850]