عبد اللہ بن عبد الرحمن الانصاری رحمہ اللہ سے روایت ہے کہ رسول اللہ صلی اللہ علیہ وسلم نے فرمایا: ” «الرَّاسِخَاتُ فِي الْوَحْلِ، الْمُطْعِمَاتُ فِي الْمَحَلِّ، مَنْ بَاعَهَا فَإِنَّ ثَمَنَهَا بِمَنْزِلَةِ الرَّمَادِ عَلَى شَاهِقَةٍ هَبَّتْ لَهُ رِيحٌ فَقَذَفَتْهُ» وہ (کجھور کے درخت) جو کیچڑ (پانی والی زمین) میں گہری جڑیں رکھنے والے اور قحط کے زمانے میں کھانا مہیا کرنے والے ہیں، جس نے انہیں فروخت کیا تو اس کی قیمت اس راکھ کی مانند ہے جو کسی بلند و بالا پہاڑ کی چوٹی پر ہو اور اس پر تیز ہوا کا جھونکا چلے جو اسے اڑا کر بکھیر دے۔“ [مسند أبي يعلى الموصلي/عَبْدُ اللَّهِ بْنُ عَبْدِ الرَّحْمَنِ الْأَنْصَارِيُّ/حدیث: 1515]

سیدنا عبدالرحمن بن سمرہ رضی اللہ عنہ سے روایت ہے کہ رسول اللہ صلی اللہ علیہ وسلم نے مجھ سے فرمایا: ”اے عبدالرحمن! تم کبھی امارت (حکومت و اقتدار) کا سوال نہ کرنا“ اور راوی نے (اس کے بعد مکمل) حدیث ذکر کی۔ [مسند أبي يعلى الموصلي/عَبْدُ اللَّهِ بْنُ عَبْدِ الرَّحْمَنِ الْأَنْصَارِيُّ/حدیث: 1516]