سیدنا حمزہ اسلمی رضی اللہ عنہ سے روایت ہے کہ رسول اللہ صلی اللہ علیہ وسلم نے انہیں ایک عسکری مہم (سریہ) میں روانہ فرمایا اور انہیں ان کا امیر مقرر کیا اور ہدایت دی: ”اگر تم فلاں شخص کو پا لو تو اسے آگ میں جلا دینا۔“ وہ بیان کرتے ہیں کہ پھر جب میں (وہاں سے) رخصت ہوا تو مجھے پیچھے سے پکارا گیا، میں واپس حاضر ہوا تو آپ صلی اللہ علیہ وسلم نے ارشاد فرمایا: ”اگر تم فلاں شخص کو پکڑ لو تو اسے (صرف) قتل کر دینا اور اسے آگ میں ہرگز نہ جلانا، کیونکہ آگ کے ذریعے عذاب دینا صرف آگ کے رب ہی کا خاصہ ہے۔“ [مسند أبي يعلى الموصلي/مُسْنَدُ حَمْزَةَ الْأَسْلَمِيِّ/حدیث: 1536]