سیدنا رکانہ رضی اللہ عنہ سے روایت ہے کہ انہوں نے اپنی بیوی کو لفظ ”البتہ“ (یعنی قطعی طور پر) کے ساتھ طلاق دے دی، پھر وہ نبی کریم صلی اللہ علیہ وسلم کی خدمتِ اقدس میں حاضر ہوئے تو آپ صلی اللہ علیہ وسلم نے ان سے دریافت فرمایا: ”اس لفظ سے تمہاری کیا نیت تھی؟“ انہوں نے عرض کیا: ”صرف ایک طلاق کی“، آپ صلی اللہ علیہ وسلم نے دریافت فرمایا: «آللَّهِ» ”کیا اللہ کی قسم (تمہاری نیت صرف ایک ہی تھی)؟“ انہوں نے عرض کیا: ”اللہ کی قسم (ایسا ہی ہے)“، تو آپ صلی اللہ علیہ وسلم نے ارشاد فرمایا: ”پھر یہ اسی نیت کے مطابق ہے جو تم نے کی تھی“۔ [مسند أبي يعلى الموصلي/يَزِيدُ بْنُ رُكَانَةَ/حدیث: 1537]

سیدنا رکانہ رضی اللہ عنہ سے روایت ہے کہ انہوں نے نبی کریم صلی اللہ علیہ وسلم کے عہدِ مبارک میں اپنی بیوی کو طلاقِ بتہ (یعنی قطعی طلاق) دے دی، پھر وہ نبی کریم صلی اللہ علیہ وسلم کی خدمت میں حاضر ہوئے اور آپ صلی اللہ علیہ وسلم کو اس کی خبر دی، تو آپ صلی اللہ علیہ وسلم نے دریافت فرمایا: ”تمہاری اس سے کیا نیت تھی؟“ انہوں نے عرض کیا: ”صرف ایک طلاق کی“، آپ صلی اللہ علیہ وسلم نے دریافت فرمایا: ”کیا اللہ کی قسم (تمہاری نیت ایک ہی کی تھی)؟“ انہوں نے عرض کیا: ”اللہ کی قسم (یہی نیت تھی)!“ تو آپ صلی اللہ علیہ وسلم نے ارشاد فرمایا: ”پھر یہ طلاق اسی نیت کے مطابق واقع ہوئی ہے جو تم نے کی تھی۔“ [مسند أبي يعلى الموصلي/يَزِيدُ بْنُ رُكَانَةَ/حدیث: 1538]