سیدنا ابوشہم رضی اللہ عنہ، جو کہ (کبھی) کھیل کود اور لایعنی کاموں میں مگن رہا کرتے تھے، سے روایت ہے کہ انہوں نے بیان کیا: ”مدینہ منورہ کے کسی راستے میں ایک لڑکی میرے پاس سے گزری تو میں نے اپنا ہاتھ اس کے پہلو کی طرف بڑھایا (اور اسے چھو لیا)، پھر جب اگلا دن ہوا اور لوگ رسول اللہ صلی اللہ علیہ وسلم کی خدمت میں بیعت کے لیے حاضر ہوئے تو میں بھی آپ صلی اللہ علیہ وسلم کے پاس حاضر ہوا اور بیعت کے لیے اپنا ہاتھ بڑھایا، مگر آپ صلی اللہ علیہ وسلم نے اپنا دستِ مبارک سمیٹ لیا اور دریافت فرمایا: ”کیا تم وہی ہو جس نے کل وہ نازیبا حرکت کی تھی؟“ میں نے عرض کیا: اے اللہ کے رسول صلی اللہ علیہ وسلم ! مجھ سے بیعت لے لیجیے، میں اب کبھی دوبارہ ایسی حرکت نہیں کروں گا، اس پر آپ صلی اللہ علیہ وسلم نے ارشاد فرمایا: ”تب ٹھیک ہے۔““ [مسند أبي يعلى الموصلي/مُسْنَدُ أَبِي شَهْمٍ/حدیث: 1543]