الحسن رحمہ اللہ سے روایت ہے کہ ہمیں رسول اللہ صلی اللہ علیہ وسلم کے صحابی سیدنا احمر رضی اللہ عنہ نے بیان کیا کہ ”ہم رسول اللہ صلی اللہ علیہ وسلم کی (جسمانی مشقت والی) حالت دیکھ کر آپ صلی اللہ علیہ وسلم کے لیے دل میں شفقت و نرمی محسوس کرتے تھے کیونکہ آپ صلی اللہ علیہ وسلم سجدہ کرتے وقت اپنے پہلوؤں سے اپنی دونوں کہنیوں کو (اس قدر) جدا اور دور رکھتے تھے (کہ ہمیں آپ کی تکلیف کا احساس ہوتا تھا)۔“ [مسند أبي يعلى الموصلي/مُسْنَدُ أَحْمَرَ/حدیث: 1552]